TAADHARI YA MAAMBUKIZI YA VIRUSI VYA CORONA

Moja ya sampuli ya vipimo vya Corona(COVID-19) ikionesha (Negative), mtu huyu aliepimwa hakuwa maambukizi ya virusi hivyo.

 

Manao tarehe 31 mwezi Disemba 2019 ilitangazwa uwepo wa virusi vya Corona (COVID-19) vilivyogunduliwa kwa mara ya kwanza katika mji wa Wuhan nchini China. Mpaka sasa inakadiriwa watu zaidi ya laki moja(100,000) Duniani kote wamefariki kwa ugonjwa huo, huku watu zaidi ya milioni mbili (2,000,000) duniani wakiambukizwa virusi hivyo. 

Kufuatia kusambaa kwa virusi hivyo, Umoja wa Posta Duniani, Afrika, na ule wa Afrika Mashariki na Mashirika yake yalio katika umoja huo yamekuwa yakihimiza kila mtu kuchukua hatua ili kuhakikisha ugonjwa huu hatari ambao umeshakatili maisha ya maelfu ya watu na kuathiri malaki ya wengine hausambai zaidi. 

Tumeshuhudia pia Nchi yetu ikichukua hatua mbalimbali ikiwemo kufunga shule za msingi, sekondari na vyuo. Mikusanyiko yote mikubwa ya ndani na nje isiyo ya lazima imesitishwa ikiwemo shughuli za michezo, matamasha ya muziki, mikutano mbalimbali ikiwemo ya kisiasa, mahafali na shughuli nyingine za kijamii.


Wizara na Taasisi nazo zimesitisha semina, warsha, makongamano na mikutano yote hapa nchini ambayo inahusisha washiriki toka nchi zenye maambukizi makubwa, pamoja na katazo la Watanzania wenye safari zisizo za lazima kwenye nchi zenye maambukizi makubwa, wanashauriwa kusitisha safari zao.

Katika kupambana na maambukizi ya Corona Shirika la Posta Tanzania linapenda kuwaasa wafanyakazi wake, wateja na Watanzania kwa ujumla kuzingatia mambo yafuatayo:

  1. Kunawa mikono mara kwa mara kwa sabuni na maji yanayotiririka ama tumia kitakasa mikono (saitizer).
  2. Pumua, ama toa hewa chafu kwa kufunika midomo na pua zako kwa kitambaa ama tissue, kisha tupa kifaa hicho kwenye chombo cha taka chafu” closed bin”.
  3. Epuka kukaa kwenye msongamano wa watu, ikiwezekana kusitisha safari zisizo za lazima.
  4. Epuka kushika macho, Pua na Mdomo.
  5. Muone Daktari haraka, pale utakapohisi homa, kikohozi kikavu na pumzi kubana.
  6. Epuka nyama, maziwa ama mayai yasiyopikwa vizuri.

Janga hili linaweza kupunguzwa au kudhibitiwa kwa mafanikio makubwa ikiwa tutazingatia kanuni za usafi na kujiepusha na misongamano. TPC inapenda kuwaasa watanzania wote kuzingatia maelezo haya ya wataalamu wa afya ili kujilinda sisi wenyewe na taifa kwa ujumla. 

Imetolewa na:

Ofisi ya mahusiano

Posta Makao makuu

Dar es Salaam

Top
X

Tanzania Posts Corporation

You have no authorized to right click contents of TPC, All rights reserved!