TANZANIA POSTS CORPORATION (TPC)

Shirika la Posta Tanzania (TPC) linapenda kuwajulisha wateja wetu na umma kwa ujumla kuwa kufuatia maagizo na maelekezo ya Serikali ya kuwataka watanzania kuchukua tahadhari na

kujilinda dhidi ya kuenea kwa ugonjwa wa homa kali ya mapafu (COVID-19), Shirika kwa kulinda maslahi mapana na afya za wafanyakazi wake linapenda kupata ushirikiano kutoka kwa wateja wetu na umma kwa ujumla kwenye mambo yafuatayo: 

1. Kila mteja au mwananchi yeyote atakayefika kwenye ofisi za Posta popote nchini atalazimika kunawa mikono kwa sabuni na maji yanayotiririka ama kupaka kitakasa mikono (sanitizer) zinazopatikana katika ofisi zetu mara anapoingia au kutoka baada ya kupatiwa huduma.

2. Tunapenda kuwatangazia wateja wetu kuwa kama huna ulazima wa kufika ofisi za posta na unahitaji huduma zetu tafadhali wasiliana nasi kwa simu nambari 0738 070701. Taarifa zaidi kuhusu huduma zetu utazipata kupitia website yetu: www.posta.co.tz  au mitandao yetu ya kijamii: twitter (posta_tz), facebook: (posta tanzania) na kupitia instagram: (posta_tz) kwa maelezo zaidi.

3. Aidha tunawakumbusha wateja wetu kubaki nyumbani ili kupunguza maambukizi mapya zaidi ya virusi vya corona, na tunawasisitiza wateja wetu na watanzania kwa ujumla kufanya manunuzi ya bidhaa zao mbalimbali kupitia duka letu la mtandao kwa tovuti ifuatayo, www.postashoptz.postau piga nambari 0738 070701 na utafikishiwa bidhaa yako kwenye makazi yako au mahali ulipo.

Shirika linapenda kuwajulisha wateja wake na wananchi wote kwa ujumla kuwa bado tunatoa huduma hata wakati huu wa janga la Corona kwa kuwafikia pale watakapohitaji huduma zetu kwa mikoa yote ya Tanzania kupitia ofisi zetu.

Pia tunawajulisha kuwa ukihitaji huduma za kuchukua mizigo mteja alipo (pick up) au kukuletea (delivery) unaweza kutupata kupitia namba zilizoorodheshwa hapo chini, kwa mikoa yote nchini.

Tunawashukuru sana kwa kuendelea kuliamini Shirika la Posta likuhudumie.

Imetolewa na:

Postamasta Mkuu

Shirika la Posta Tanzania

Makao Makuu, Dar es Salaam 

• Next