📍POSTA YASHIRIKI KUMBUKUMBU YA MASHUJAA WA VITA YA KWANZA YA DUNIA📍

POSTA YASHIRIKI KUMBUKUMBU YA MASHUJAA WA VITA YA KWANZA YA DUNIA

Kaimu Meneja Mkuu Uendeshaji Biashara wa Shirika la Posta Tanzania Ndg. Constantine Kasese kwa niaba ya Kaimu Postamasta Mkuu wa Shirika hilo Ndg. Macrice Daniel Mbodo, amehudhuria tukio la kuweka mashada katika makaburi ya Mashujaa waliopigana vita ya kwanza ya dunia kati ya mwaka 1914-1918 kama ishara ya kuwaenzi mashujaa hao,ijulikanayo kama #Layingwreathceremony# katika ofisi za Shirika la Posta zilizopo Posta ya zamani, jijini Dar es Salaam

Kumbukumbu hii huadhimishwa duniani kote kila siku jumapili ya mwanzo ya mwezi Novemba, ambapo mataifa mbalimbali hutumia hufanya ibada maalum, kuwaombea mashujaa hao pamoja kuweka mashada maalum katika makaburi yao

Kwa upande wa Tanzania tukio hili limeratibiwa na Jumuiya ya wanajeshi wastaafu waliopigana vita ya kwanza na ya pili ya dunia (The Tanzania Legion Club) na hufanyika katika mkoa wa Dar es Salaam katika maeneo ya makumbusho, posta na katika maeneo mengine yenye makaburi hayo

Shirika la Posta Tanzania kama Taasisi ya mawasiliano iliyokuwepo tangu kipindi cha vita hizo imetunza kumbukumbu ya mashujaa hao kwa kuweka makaburi ya mashujaa hao katika ofisi zake za Sokoine zilizopo Posta ya zamani, jijini Dar es Salaam

Sambamba na hilo, Kaimu Meneja Mkuu Uendeshaji Biashara Ndg. Kasese alipata wasaa wa kuwakabidhi zawadi ya Stempu wageni waliofika katika ofisi za Shirika la Posta (Posta ya zamani) kama sehemu ya kumbukumbu kwao

Tukio hili limehudhuriwa na Meneja mkoa wa Shirika la Posta Tanzania, maafisa waandamizi wa Shirika hilo, wawakilishi kutoka ubalozi wa Uturuki, Mwambata wa Jeshi kutoka ubalozi huo, wawakilishi kutoka Jumuiya ya wanajeshi wastaafu (The Tanzania Legion Club) Mstaafu kutoka jeshi la Scotland pamoja na wawakilishi kutoka Jumuiya ya watanzania waliosoma nchini Uingereza.

 

Imetolewa na;

Kitengo cha Mawasiliano,

Shirika la Posta Tanzania.

14 Novemba, 2021.

83593086 DABC 4605 B0BB 918047282B71

FA1F2592 E3E3 4B43 83EE A4B631911A34

D5D4B51B 7CE8 41CB A3F1 8064554D5114

 

4E18F99D 1FE7 4D7B A73C 1594EE358DFE

6A571127 8B4C 49AA B2EA E0840474C7E9

190FE28A 4B51 478C 85C8 79FD4F864948

 

 

Top
X

Tanzania Posts Corporation

You have no authorized to right click contents of TPC, All rights reserved!