🇹🇿🇨🇭🇨🇭🇹🇿TANZANIA YAONGOZA KIKAO CHA BARAZA LA UENDESHAJI LA UMOJA WA POSTA DUNIANI (UPU)🇨🇭

TANZANIA YAONGOZA KIKAO CHA KAMATI NAMBA MBILI YA BARAZA LA UENDESHAJI LA UMOJA WA POSTA DUNIANI (UPU)

🇨🇭Bern, Uswis🇨🇭

Kikao cha Baraza la Uendeshaji la Umoja wa Posta Duniani (Universal Postal Union Postal Operations Council) kimeendelea leo tarehe 24 Novemba,2021 jijini Berne,Uswis ambapo Tanzania Imeongoza kikao cha Kamati namba mbili ya Baraza hilo inayohusu Huduma za Posta na Biashara Mtandao (Physical Services and E-Commerce) ikiwa ni mwenyekiti mwenza pamoja na nchi ya Uswis.

Kikao hiki ni cha kwanza kufanyika Makao Makuu ya Umoja wa Posta Duniani jijini Berne,Uswis baada ya Mkutano Mkuu wa 27 wa Umoja huo uliofafanyika jijini Abidjan,Ivory Coast mwezi wa Agosti 2021 ambapo Tanzania ilichaguliwa kuwa mjumbe wa mabaraza yote mawili ya maamuzi ya Umoja wa Posta Duniani yaani Baraza la Utawala na lile ya Uendeshaji (Council of Administration and the Postal Operations Council of Universal Postal Union).

Baada ya Uchaguzi huo ambao Tanzania iliweka historia ya kushinda Mabaraza yote mawili kwa wakati mmoja,ilipewa nafasi ya kuwa Mwenyekiti mwenza wa kamati namba mbili ya Baraza la Uendeshaji la Umoja huo.

Bwana Constantine John Kasese, Kaimu Meneja Mkuu Uendeshaji wa Shirika la Posta Tanzania ameongoza kikao hicho leo pamoja na mwenyekiti mwenza Bwana Bjorn Arni wa Posta ya Uswis.

Katika kikao hicho Bwana Kasese aliongoza ajenda iliyovutia mjadala mzito ambayo ilihusisha Pendekezo la kushughulikia masuala ya Majanga asilia hasa linalohusisha janga la UVIKO-19 ambalo liliathiri huduma za vifurushi vya Posta.

Vikao vya mabaraza hayo ndiyo yanahusika na kufanya maamuzi ya msingi kwa ajili ya Uendeshaji wa shughuli za Posta duniani ambapo wanachama wake wapatao nchi 192 huguswa na maamuzi yanayofanyika kupitia mfumo huu wa pamoja (Postal office as single village).

Tanzania inashiriki kwenye vikao vya mabaraza hayo ambavyo vimeanza jana tarehe 22 hadi 26 Novemba yatakapohitimisha vikao vyake. Katika vikao hivyo Ujumbe wa Tanzania unaongozwa na Mhandisi Clarence Ichwekeleza, Mkurugenzi wa Mawasiliano kutoka Wizara ya Habari, Mawasiliano na Teknolojia ya Habari ; wengine ni Constantine Kasese, Kaimu Meneja Mkuu, Uendeshaji Biashara Shirika la Posta Tanzania; Cecilia Mkoba, Mchambuzi Mwandamizi wa Masuala ya Fedha kutoka Mamlaka ya Mawasiliano Tanzania, Dorosela Rugaiyamu Afisa TEHAMA mwandamizi wizarani na Elia P.K.Madulesi, Mkuu wa Mawasiliano na Mambo ya Posta Kimataifa kutoka Shirika la Posta Tanzania.

 

Imetolewa na;
Kitengo cha Mawasiliano;
Shirika la Posta Tanzania.
24 Novemba, 2021.

C71B5FFD 98A6 4354 8B0B 1078363E86FD

Kaimu Meneja Mkuu Uendeshaji Biashara wa Shirika la Posta Tanzania Bw. Constantine Kasese (wa pili kushoto) akiongoza kikao hicho

CEDF4D31 8CB1 4D9D AECA B31327A8C4EF

5170CAB3 7B90 4ACB 8405 FFCA33C94374

F6E69CAA 7E0A 43AD 8745 7CE07A160012

 

 

Top
X

Tanzania Posts Corporation

You have no authorized to right click contents of TPC, All rights reserved!