📍POSTA TANZANIA YAPOKEA UGENI KUTOKA POSTA KENYA📍

POSTA TANZANIA YAPOKEA UGENI KUTOKA POSTA KENYA

Kaimu Postamasta Mkuu wa Shirika la Posta Tanzania Bw. Macrice Daniel Mbodo amepokea ujumbe kutoka Shirika la Posta Kenya. Ujumbe wa Posta ya Kenya umeongozwa na Postamasta Mkuu wa Shirika hilo Bw. Daniel Kagwe akiambatana na Maafisa waandamizi kutoka Shirika Hilo

Bw. Daniel Kagwe amekuja nchini Tanzania kwa lengo la kukuza mahusiano na mashirikiano ya kibiashara baina ya nchi hizi mbili kupitia mashirika haya hususani katika maeneo ya biashara mipakani mwa nchi hizi (Cross Border Business) hasa katika eneo la usafirishaji.

Katika ziara hiyo Bw.Daniel Kagwe akiongozwa na mwenyeji wake Bw. Macrice Mbodo alipata wasaa wa kutembelea Ofisi za Makao Makuu ya Umoja wa Posta Afrika (PAPU) yaliyopo jijini Arusha, ambapo Kenya pia ni nchi mwanachama wa Umoja huo

Aidha, akiwa katika Ofisi za PAPU Postamasta Mkuu wa Kenya Bw. Kagwe na Bwana Mbodo walipata nafasi ya kufanya mazungumzo na Katibu Mkuu wa Umoja huo Bw. Sifundo Chief Moyo ambapo Kenya na Tanzania chini ya Umoja huo wameona iko haja ya kuendelea kukuza mahusiano kwani taasisi zote hizi zinategemeana.

Kikao hicho pia kilijadili namna ambavyo sekta ya Posta inaweza kuleta tija barani Afrika na kutoa mchango mkubwa katika maendeleo ya nchi na Afrika kwa ujumla kwa kutoa huduma bora na zenye tija na zinazoendana na mahitaji ya wananchi hasa katika kipindi hiki cha mabadiliko na maendeleo ya Teknolojia

Sambamba na hilo, kikao hicho kilichoongozwa na Katibu Mkuu wa PAPU Bw. Sifundo Moyo kilijadili namna ambavyo watendaji wa mashirika ya Posta barani Afrika wanapaswa kupatiwa mafunzo ya namna ya kufanya shughuli za uendeshaji katika mashirika haya ili kuongeza weledi katika utendaji wao

Katika hatua nyingine, Postamasta Mkuu wa Shirika la Posta Kenya Bw. Kagwe akiambatana na mwenyeji wake Bw. Mbodo walitembelea na kujionea ujenzi unaoendelea wa jengo la Makao Makuu ya Umoja wa Posta Afrika, jijini Arusha

Katika ziara hiyo, Postamasta Mkuu wa Shirika la Posta Kenya Bw. Daniel Kagwe alitembelea ofisi za Shirika la Posta Mkoani Arusha na kujionea shughuli mbalimbali zinazofanywa na Shirika la Posta mkoani humo

Bw. Kagwe anatarajiwa kuendelea na ziara yake nchini Tanzania kwa kutembelea Makao Makuu ya nchi jijjni Dodoma na anatarajia kutembelea Wizara inayosimamia sekta ya Posta (Wizara ya Habari, Mawasiliano na Teknolojia ya Habari)

Ziara hiyo imejumuisha Maafisa waandamizi kutoka Shirika la Posta Tanzania pamoja na maafisa waandamizi kutoka Shirika la Posta Kenya

 

Imetolewa na

Kitengo cha Mawasiliano,
Shirika la Posta Tanzania,
13 Disemba, 2021

 6326AB24 76D1 4A41 B2D8 A211731BEE28

 B2BD3973 256A 4243 9EC2 BFECEEBFA636

 D94FDDC5 E210 4616 B91C 600FC2827C64

02C657F1 2B5C 4FA9 8F73 B656229D24CD

2A156C1C 32C9 491C BD9E A086AF772AAC

Postamasta Mkuu wa Shirika la Posta Kenya Bw. Daniel Kagwe (wa pili kulia) akizungumza jambo na Kaimu Postamasta Mkuu wa Shirika la Posta nchini Bw. Macrice Daniel Mbodo (kulia) wakati alipotembelea ofisi za Shirika la Posta nchini mkoani Arusha na kujionea shughuli mbalimbali zinazofanywa na Shirika hilo mkoani humo

AB630B98 7DB8 42A7 B19B 9BFD1FEE7C50

 Katibu Mkuu wa Umoja wa Posta Afrika (PAPU) Bw. Sifundo Chief Moyo (katikati) akiwa katika picha ya pamoja na Postamasta Mkuu wa Shirika la Posta Kenya Bw. Daniel Kagwe (kulia) na Kaimu Postamasta Mkuu wa Shirika la Posta Tanzania Bw. Macrice Daniel Mbodo (kushoto) mara baada ya kikao chao, jijini Arusha

 F89A8788 4585 4351 BC6C 3E01A0AAE371
Viongozi waandamizi kutoka Shirika la Posta Tanzania, Shirika la Posta Kenya pamoja na viongozi kutoka Umoja wa Posta Afrika (PAPU) wakifuatilia mkutano wa Katibu Mkuu wa Umoja wa Posta Afrika (PAPU) Bw. Sifundo Moyo na Postamasta Mkuu wa Shirika la Posta Kenya Bw. Daniel Kagwe (hawapo pichani, katika ofisi za PAPU, jijini Arusha

62805A2D B117 4F87 AB7E 6850B72D04F8

Postamasta Mkuu wa Shirika la Posta Kenya Bw. Daniel Kagwe akisaini kitabu cha wageni mara baada ya kuwasili katika ofisi za Shirika la Posta nchini mkoani Arusha, kujionea shughuli mbalimbali zinazofanywa na Shirika hilo mkoani humo

 E174E911 0C08 4059 B859 433720CB04B8

 128C53CC 621A 4983 9C92 49B9C85A756B

 Postamasta Mkuu wa Shirika la Posta Kenya Bw. Daniel Kagwe alipotembelea maendeleo ya ujenzi unaoendelea wa ofisi za Umoja wa Posta Afrika (PAPU), ambapo Kenya ni nchi mwanachama wa Umoja huo, jijini Arusha

 D4910F86 55F1 443A 8A8F A26C5DD98612

 Postamasta Mkuu wa Shirika la Posta Kenya Bw. Daniel Kagwe alipotembelea Ofisi za Posta Kuu jijini Arusha

 30EAB804 363A 4533 B977 FB28E7CB5065

 

Top
X

Tanzania Posts Corporation

You have no authorized to right click contents of TPC, All rights reserved!